ИНОВАТИВНИ ПРИСТАПИ ВО НАСТАВАТА
Во рамките на Програмата Еразмус + и проектите во кои зема активно учество и нашето училиште, на 6 декември 2018 година, беше одржана дисеминација на искуствата и знаењата стекнати на обуката одржана во Прага – Чешка, во период од 21 до 25 мај 2018 година, на тема: „Иновативни пристапи во наставата“. На обуката учествуваа: Анѓелина Додов, наставник по физика и Елисавета Миткова-Жабев, наставник по психологија.
Дисеминацијата ја одржаа истите наставници, кои ги запознаа наставниците на гимназијата со професионалните придобивки од истата обука. За време на дисеминацијата се реализираа неколку активности и работилници поврзани со модули и вештини на 21. век, работилници за критичко и креативно мислење, како и активности за разбивање на стереотипите и работилници за метаспознавање.
За време на дисеминација се споделија и разменија лични искуства, начини на предавање и комуникација со учениците, креирање на настава преку запознавање и користење на теоретски и практични модули и вештини на 21. век.